You are here
Home > Sisi Lain > MOP > Ale…. Motor Pu Rem Dimana Ini.?

Ale…. Motor Pu Rem Dimana Ini.?

Ini critanya ada pace dua orang, dong pu nama Liyas dan Trevor. Jadi, ceritanya ini dong baru selesai jalan-jalan dari Kupang(Kursi Panjang) Dok 2, dengan menggunakan motor vespa jadul plat merah milik Liyas pu bapa tua.
Trevor yang bawa motor ini sungguh gaya sekali, dengan helm balap jadi tra bisa pelan. Pokoknya, dia naik dengan laju terus, sampe ban depan itu terangkat-angkat
Salip-salip mobil lah, ganggu-ganggu cewe lah pokoknya hari itu dia bikin diri sekali…

  • Liyas: Trevor ko bisa bawa motor pelan sedikit kah, ini motor sa punya bapa tua jadi..
  • Trevor : Ko tenang di belakang Liyas, sa yang pegang kendali..
  • Liyas : Yoo…tapi kalo aspal lembek boleh ko balap-balap, ini aspal keras sungguh mati nanti kalo tong dua jatuh nih bagaimana???
  • Trevor : Itu lagi Liyas, sa juga bingung ini dari tadi…
  • Liyas : Ko bingung kenapa pace…??
  • Trevor : Sa bingung ini motor dia punya rem di sebelah mana!! Ko tau kah??
  • Liyas :  Mangkanya dari tadi itu jangan ko gas trus!
  • Trevor : Stop bicara dulu ko Liyas…!! ini remnya di sebelah mana..?? <Ale…Tuhan eee, tong kita bisa mati ini..>
  • Liyas : Sudah ko tekan klakson saja jangan berhenti, sambil kita berdoa supaya jangan sampai tabrak… soalnya sa punya bapa tua ini sengaja memang tra pasang rem di ini motor jadi…
  • Trevor:!##@$#@#$%@@#$!%^%$##!@$#……!!!!! (Marah dengan muka pucat)
Admin 1
IT Network Engineering di Infolahtadam XVII/Cenderawasih
http://youtube.com/anggayudistira

Leave a Reply

*

Top