You are here
Home > Sisi Lain > MOP > Banci Kaleng

Banci Kaleng

Pada suatu hari, ada remaja dan dia pu nama Eli yang lagi mau mengadu sama dia pu mama, tentang dia pu kehamilan, begini critanya..

 

Eli       : “Maaaaa… sa mo bilang sesuatu… tapi mama jangan marah sa ee..??!”

Mama : “Yo’ ko kasi tau mama sudah, ko mo bilang apa kaaa?”

Kemudian Eli peluk dia pu mama erat – erat sambil dengan nada pelan dan takut-takut, dan dia atur dia pu kata-kata..

Eli       : “Ma, sepertinya, sa hamil ma..”

Mama : “Apaaaaa!!!…ko bilang apa.?, ko stop bicara sudah…”

Eli       : “Eli minta maaf ma…. mama jangan marah sa kaaa?”

Dia pu mama sempat diam sebentar, terus sambung lagi..

Mama : “Ahh…Mungkin ko kecapean itu, ko pigi istirahat, tidur sana…“

Eli       : “Ma..Tapi sa perut mual-mual terus…???”

Mama : “Ahh… paling ko masuk angin ka apa..ini mama kasi uang ko pake beli minyak kayu putih sana, ko gosok ko pu perut baru ko pigi tidur sudah, besok pagi pasti ko badan su enak…”

Baca juga :  Tinus Ketemu Mace Jawa

Eli bukan tambah tenang, tapi dia malah menangis..

Eli       : “Ghiii… hi.. hiiii.. hiii.. hiks…, Maaa… Eli tra masuk angin, sekarang ini bawaannya mo makan yang asam-asam terus, maaa…”

Mama : “Akkhhhh…. ko pu sariawan yang bikin ko begitu… makannya, jadi orang tu jang terlalu rakus.”

Eli       : “Maaaaa…. Tolong kah, Ma, kali ini Eli tra tipu, mama kenapa tra pernah mo percaya saya kaaaa?????”

Mama : “Eli… Ko STOP bicara sudah! OTAK MATI ini… BANCI tu trada RAHIM, jadi ko STOP menghayal…!!!!!!!!!!,, ko bicara satu kali lagi, mangkok ini pica di ko pu kepala….ko tidur sana cepat….”

Eli       : #$#$#$#&*^&%$^^Y()_*_&)&^^$%$#%#%

Admin 1
IT Network Engineering di Infolahtadam XVII/Cenderawasih
http://youtube.com/anggayudistira

Leave a Reply

*

Top