You are here
Home > Sisi Lain > MOP > Ketemu Teman Lama

Ketemu Teman Lama

Jadi ada dua sahabat ni dong pu nama Beto dan Lone ni dong dong dua suw bersahabat sejak kecil, dari dong dua SD sampe lulus SMA dong dua tinggal sama-sama terus, tapi pas sudah lulus SMA dong dua tapisa, Beto merantau ke Jakarta sedangkan Lone ko memutuskan untuk tinggal saja di kampung.

Pada satu kesenmpatan Beto yang sudah sukses di Jakarta sana Pulang ke kampung dan de ketemu de pu teman lama Lone.

Lone de pu kaget apa Beto ni dia su berubah 180 derajat, su sukses ka ini, tapi Lone ni sampe sekarang de masih pengangguran berat di kampung. Pas dong dua duduk- duduk di dong dua pu tempat main waktu kecil, Langsung dong dua cerita-cerita. Bgini Lone ko tanya Beto :

Lone : Kawan ko su sukses skali e, adoo sa tra sangka, ko kerja dimana sekarang ?

Baca juga :  Menjaga Harmoni 1.340 Suku Itu Bukan Tugas Mudah

Beto : Kawan sa sekarang kerja di Departemen Tenaga Kerja. Depnaker. Ko tau to.

Lone : Ah iyo sa tau kawan.

Baru Beto de balik tanya :

Beto : baru kawan ko sekarang kerja dimana ?

Karena Lone de tra mau kalah deng de pu teman lama, de jawab :

Lone : Kawan sa sekarang tugas di Departemen Tenaga Dalam. Ko tau to ?

Marthen : ?!?!?!?!?!?!#%$^

HAHAAAAAEEEEEEEEEEEEE……!!!!!! (AZ)

Leave a Reply

*

Top